მერაბ დვალიშვილი აღარ არის სუპერმსუბუქი დივიზიონის ქამრის მფლობელი, თუმცა ის რეკორდები, რომელიც მან დაამყარა ჩემპიონობისკენ მიმავალ გზაზე და უშუალოდ ჩემპიონობის დროს, ხელუხლებელი კიდევ დიდხანს დარჩება. ყველაზე მეტი მოგება საბმიშენით 61 კგ-ში, უკონკურენტოდ ქართველი ექს-ჩემპიონი.
"მანქანის" ანგარიშზეა მსაჯების გადაწყვეტილებით 11 გამარჯვება და UFC-ის აქტიურ მებრძოლებს შორის მასთან ყველაზე ახლოს არის პიოტრ იანი - 8 დისიჟენი. ყველაზე გრძელი მოგებათა სერია (13) 61 კილოგრამში ასევე არის 34 წლის ექს-ჩემპიონის ანგარიშზე და მისი უახლოესი მდევარი აქტიური მოგებათა სერიით არის აიმან ზაჰაბი, რომლის ანგარიშზე მხოლოდ 6 მოგება არის.
დვალიშვილის რეკორდები სუპერმსუბუქ დივიზიონსაც სცილდება და ზოგადად მთელს UFC-ის მოიცავს. ქვემოთ შეგიძლიათ იხილოთ ყველა ის კომპონენტი, რომელშიც ქართველი ექს-ჩემპიონი მიუწვდომელია.
მერაბ დვალიშვილის რეკორდები UFC-ში
| ყველაზე მეტი თეიქდაუნი UFC-ში | 119 |
| ყველაზე მეტი მოგება მსაჯების გადაწყვეტილებით სუპერმსუბუქ დივიზიონში | 11 |
| ყველაზე გრძელი მოგებათა სერია სუპერმსუბუქ დივიზიონში | 13 |
| ყველაზე მეტი დრო კონტროლში სუპერმსუბუქ დივიზიონში | 1:38:10 |
| ყველაზე მეტი დარტყმა სუპერმსუბუქ დივიზიონში | 2672 |
| ყველაზე მეტი თეიქდაუნი სუპერმსუბუქ დივიზიონში | 106 |
