UFC-ის ქართველმა ჩემპიონმა, ილია თოფურიამ წონა შეიცვალა — ინფორმაცია ორგანიზაციის პრეზიდენტმა, დანა უაითმა დაადასტურა.
აღნიშნული გადაწყვეტილების შემდეგ, ქვემსუბუქი წონის ჩემპიონის ქამარი ვაკანტური გახდება, რომლისთვისაც აპრილში დიდი ალბათობით ალექს ვოლკანოვსკი და დიეგო ლოპესი იბრძოლებენ.
ილია თოფურიამ კი მსუბუქ წონაში გადაინაცვლა და UFC მისი მეტოქის შესარჩევად მუშაობას იწყებს. გავრცელებული ინფორმაციით, ერთ-ერთ ვარიანტად ივნისში ისლამ მახაჩევთან საჩემპიონო ბრძოლა განიხილება.
შეგახსენებთ, რომ გასული წლის 18 თებერვალს ილია თოფურიამ ალექს ვოლკანოვსკი დაამარცხა და UFC-ის პირველი ქართველი ჩემპიონი გახდა, 27 ოქტომბერს კი მაქს ჰოლოუეის წინააღმდეგ საჩემპიონო ქამარი დაიცვა.
ოფიციალურად: ილია თოფურიამ წონა შეიცვალა
