პირველად საქართველოს ისტორიაში, ქართველი ქალი ევროპის ძალოსნობის ფედერაციის მმართველ ორგანოში შეიყვანეს.
რუსუდან მურადაშვილი ევროპის ფედერაციის (EWF) გამგეობის წევრია. რუსუდან მურადაშვილი საქართველოს ძალოსნობის ეროვნულ ფედერაციაში 2015 წლიდან მუშაობს, ხოლო ფედერაციის გენერალური მდივნის პოსტს 2019 წლიდან იკავებს. პარალელურად რამდენიმე წლის განმავლობაში ეროვნული ფედერაციის გამგეობაშიც იყო. ახლა კი უკვე ევროპის ძალოსნობის ფედერაციის გამგეობის წევრადაც დანიშნეს და ალბანეთში მიმდინარე ახალგაზრდა ძალოსანთა ევროპის ჩემპიონატზე EWF - ის აღმასრულებელ კომიტეტში პირველ სხდომაზე მისი წარდგენა ოფიციალურად მოხდა.
