ქართველმა მებრძოლებმა ისტორიული შედეგი დააფიქსირეს სერბეთის დედაქალაქ ბელგრადში გამართულ შერეული ორთაბრძოლების ევროპის ასაკობრივ ჩემპიონატზე.
ჩვენი ქვეყნის წარმომადგენლებმა 4 ასაკობრივ კატეგორიაში 2 ოქროს, 7 ვერცხლისა და 8 ბრინჯაოს მედალი მოიპოვეს. ოქროს მედლები ელენე გლურჯიძემ და სინან მამედოვმა მოიპოვეს და ევროპის ჩემპიონობა იზეიმეს. ვერცხლის მედალი შამილ მაგამედოვმა, ალექსანდრე სანიკიანმა, ლუკა ბერიძემ, ნოდარ ნოზაძემ, გეგა კორძაიამ, ღვთისო კვიციანმა და გიორგი პირველმა დაისაკუთრეს. ბრინჯაოს პრიზიორები კი, ცოტნე გელაშვილი, ცოტნე ბიზიკაშვილი, ლაშა რეხვიაშვილი, დავით ნინიაშვილი, ბესარიონ კატშანი, თორნიკე ბაქრაძე, დიტო ანთია და საბა ბაკურაძე გახდნენ.
