რა თანხა გამოიმუშავა დოლიძემ ვეტორის დამარცხებით?

რომან დოლიძემ UFC Fight Night 254-ზე მარვინ ვეტორი მსაჯთა ერთსულოვანი გადაწყვეტილებით დაამარცხა. საინტერესოა, რა თანხა გამოიმუშავა გამარჯვებულმა ქართველმა მებრძოლმა ამ მოგებით? Sporty Salaries-ის ცნობით, მისი კაპიტალი $716.000 შეივსო. მხოლოდ მისმა იტალიელმა მეტოქემ აიღო "კავკასიელზე" დიდი ჰონორარი: $875.000.

36 წლის მებრძოლმა 350 ათასი დოლარი აიღო უშუალოდ ორგანიზაციისგან, ასევე 300 ათასი PPV-დან, 50 ათასი მას ერგო ბონუსად კარგი პერფომანსისთვის, 16 ათასი კი სპონსორებისგან. შეგახსენებთ იმასაც, რომ დოლიძემ ისრაელ ადესანიასა და რობერტ უიტეკერთან ჩხუბის სურვილი გამოთქვა.