დასრულდა RKENA-ს პირველი ივენთი, რომელზეც მაყურებელმა არაერთი დასამახსოვრებელი ბრძოლა იხილა. ღონისძიება გაიხსნა ნინი ცქვიტარიასა და ელზა სერეზოს ბრძოლით, რომელიც გაყოფილი გადაწყვეტილებით ესპანელმა მოიგო. შემდეგ პრელიმში დაიწყო ქართველების დომინაცია - რამაზ ივანიაძემ, საბა სოზაშვილმა და ჯანსუ გოგიამ თავიანთი მეტოქეები დამაჯერებლად დაამარცხეს.
ივანიაძემ და სოზაშვილმა რაიმონდ დრუმსა და მარსიან ზაიაცს მოუგეს ტექნიკური ნოკაუტით, გოგიამ კი დრამატულ ბრძოლაში მსაჯთა ერთსულოვანი გადაწყვეტილებით ჯალოლიდინ იულდაშევიდაამარცხა. მეინ ქარდი, წარუმატებელი დასაწყისი ქართველი მებრძოლებისთვის - ჩხუბის დებიუტშივე ჯუბა ბერიძე ნოკაუტით იაროსლავ ჩოკობოკთან დამარცხდა.
ქართველი მებრძოლი ცდილობდა ფეხში შესვლას, რაზეც უკრაინელმა მეტოქემ მას წინ გამოწეული მუხლით უპასუხა. მეინ ქარდის შემდეგი ბრძოლა - გიორგი ფოლადიშვილმა დამაჯერებლად, ტექნიკური ნოკაუტით იერასილ თანირბერგენოვი დაამარცხა. ცნობისთვის, ეს იყო დაუმარცხებელ მერბძოლთა ჩხუბი და როგორც ვხედავთ, ფოლადიშვილის წარმატებული სერიაგრძელდება.
მეინ ქარდის ფინალური სამეული გახსნა ნიკოლოზ აბრამიშვილის ტექნიკურმა ნოკაუტმა ჰენრილენტულასთან.დღევანდელ ივენთზე იყო კიდევ ერთი დაუმარცხებელი მებრძოლი, დავით ლორთქიფანიძე და ფოლადიშვილის მსგავსად, მისი წარმატებული სერია ასევე გაგრძელდა - ტექნიკური ნოკაუტი ლეანდრო ბარბოსასთან.
ბოლოს კი მთავარი - მერაბ შარიქაძის დებიუტი MMA-ში, რომელიც წარმატებული გამოდგა. ქართველი მებრძოლი დომინირებდა ორი რაუნდის მანძილზე და გამარჯვება ტექნიკური ნოკაუტით მოიპოვა.
