ოფიციალურად დაანონსდა, რომ RKENA-ს რიგით მეორე ივენთი 14 მარტს გაიმართება. დღეს კი ცნობილი გახდა იმ მებრძოლების ვინაობა, ვინც აღნიშნულ ღონისძიებაში მონაწილეობას მიიღებენ. 6 ჩხუბი გაიმართება პრელიმში, 5 კი მეინ ქარდზე. შეგახსენებთ, RKENA-ს პირველი ივენთი გასული წლის 29 ნოემბერს გაიმართა.
მონაწილეებს შორის იყვნენ მერაბ შარიქაძე, დავით ლორთქიფანიძე, ნიკოლოზ აბრამიშვილი, გიორგი ფოლადიშვილი, ჯუბა ბერიძე, ჯანსუ გოგია, საბა სოზაშვილი, რამაზ ივანიაძე და ნინი ცქვიტარია. როგორც ვხედავთ, ლორთქიფანიძე და აბრამიშვილი მონაწილეობას მე-2 ივენთშიც მიიღებენ.
დავითის მოწინააღმდეგე იქნება UFC-ის ყოფილი ვარსკვლავი, ალექს ოლივეირა, ვინც მსოფლიოს მთავარ ორგანიზაციაში 2015 - 2022 წლებში გამოდიოდა. UFC-ის წევრი იყო ნიკოლოზის მოწინააღმდეგეც, ხამეს ლონტოპი, 2024 წელს.
უკანასკნელი ინფორმაციით,ფეხის ტრავმის გამო, ერასილ ტანირბერგენოვი ამირან მამულაძესთან გასამართ დაპირისპირებას ჩაეხსნა. მის ნაცვლად,24 წლის ჩინელი მებრძოლი, აერჩილი იასპარეზებს.
