დასრულდა RKENA-ს მეორე ივენთი, რომელზეც მაყურებელმა არაერთი დასამახსოვრებელი ბრძოლა იხილა. საღამო გაიხსნა ლაშა მესხის სწრაფი საბმიშენით შაჰრუჰმირზა მანსუროვის წინააღმდეგ. ცნობისთვის, ეს იყო ქართველი მებრძოლის პირველი ჩხუბი პროფესიონალურ კარიერაში.
შემდეგ იყო ნიკა კალანდაძის ნოკაუტი იბროჰიმ შოიმოვის წინააღმდეგ, მოგვიანებით კი საღამოს ყველაზე სისხლიანი ბრძოლა, რომელშიც ამირან მამულაძემ აერჩი ლი უბრალოდ გაანადგურა. პრელიმების სერია დასრულდა იაროსლავ ჩოკობოკის მოგებით დანიელ სპოლიარიჩთან და მარკო სარასიარვის ზედიზედ მე-2 გამარჯვებით გიორგი გოგოჭურთან.
საღამო გაგრძელდა ნიკა კუპრავიშვილის დომინაციით ანარ ჰუსეინოვთან, რის შემდეგაც გაიმართა ლეგიონერების ბრძოლა - ტატო პრიმერამ ლუკას ბატისტას მოუგო. წინ იყო 2 მთავარი ჩხუბი, მაგრამ იქამდე, გოჩა შაინიძემ მახრჩობელათი ფახრიდინ ჟუმანაზაროვი დააფინიშა. ქართველმა მებრძოლმა მოგება გარდაცვლილ ძმას მიუძღვნა.
ბოლოს კი მთავარი ბრძოლები, რომელშიც მონაწილეობას იღებდნენ UFC-ის ყოფილი წევრები - ალექს ოლივეირა და ჯეიმს ლონტოპი. პირველი ოქტაგონში შევიდა პერუელი მებრძოლი, რომლის მოწინააღმდეგე ნიკოლოზ აბრამიშვილი იყო. ძალიან დაძაბულ და დრამატულ ჩხუბში მოგებული მსაჯთა გაყოფილი გადაწყვეტილებით ქართველი მებრძოლი გამოვიდა.
რაც შეეხება დავით ლორთქიფანიძის ბრძოლას ბრაზილიელ ვეტერანთან, ყველაფერი დასრულდა სწრაფად და მარტივად - დაუმარცხებელმა ქართველმა მებრძოლმა "კოვბოი" ჩხუბის დაწყებიდან 40 წამში დააფინიშა.
