ცნობილია, თუ ვინ იქნება რომან დოლიძის შემდეგი მოწინააღმდეგე და როდის ვიხილავთ მას ოქტაგონში. საუბარია კრისტიან ლეროი დანკანზე, რომელსაც ქართველი მებრძოლი შეხვდება 21 მარტს, ლონდონში გასამართ Fight Night-ზე. როგორც ვხედავთ, მისი მეტოქე ჩხუბს მშობლიურ მიწაზე გამართავს.
რა ვიცით ინგლისელი მებრძოლის შესახებ? მის ანგარიშზე არის 13 გამარჯვება და ორი მარცხი, ბრძოლების უმეტესობა (77 პროცენტი) მან ნოკაუტით მოიგო. "სიელდიმ" 2025-ში გამარჯვება მოიპოვა 3/3 ჩხუბში: ანდრეი პულიაევთან, ერიკ ანდერსსა და მარკო ტულიოსთან. 84 კილოგრამი წონითი დივიზიონის ტოპ 15-ში 30 წლის მებრძოლი ჯერ არ არის.
რაც შეეხება "კავკასიელს", შეგახსენებთ, რომ მის ანგარიშზე არის 15 გამარჯვება და ოთხი მარცხი. 2025 წელს მან დაამარცხა მარვინ ვეტორი, მაგრამ აღნიშნული ჩხუბიდან რამდენიმე თვეში 37 წლის მებრძოლმა ენტონი ერნანდესთან წააგო. პრომოუშენის ვეტერანი წელს 84 კილოგრამ წონით დივიზიონში მე-12 პოზიციაზე ასრულებს.
