საინტერესო დეტალები UFC 320-ის მედიის დღიდან

"პირველად ძალიან გამაკვირვეს, როცა 2019 წელს საქართველოში ჩამოვიდნენ. მაგ დროს რესტორანში ვიყავი, თავზე დამადგნენ და საპირფარეშოში გასვლა მომიწია. სხვა შემთხვევებში, ხანდახან კალიფორნიაში, ან სხვა შტატში მსტუმრობდნენ. ერთხელ ვარჯიშის შემდეგ, ჩემს დარბაზში UFC-ის ანტი დოპინგური კომისიის ახალი წარმომადგენელი მოვიდა, რომელსაც ვუთხარი, რომ ვარჯიშის დროს დიდი რაოდენობის ოფლი მქონდა გამოყოფილი და შემოწმებისთვის გარკვეული დრო დამჭირდებოდა. ამის შემდეგ ის ჩემთან ისე ადრე მოვიდა, რომ გამაღვიძა და ძალიან გავბრაზდი."

"აუცილებელი არაა ზედმეტი ლაპარაკი და უპატივცემულობა, თუ რაიმე ბუნებრივად გამოჩნდება, მოხდება ის რაც მოხდება. მიუხედავად ამისა, MMA-ს ნამდვილმა ქომაგებმა ამ ბრძოლას აუცილებლად უნდა უყურონ, რადგან მე გრეპლერი ვარ, ის კი სტრაიკერი - ამ ბრძოლაში კი გრეპლერს სტრაიკერის გათიშვა სურს.
კორი კარგი მებრძოლია და მას პატივს ვცემ. მისთვის ძალიან დიდი მონდომებით, დაუღალავად ვემზადებოდი და ვშრომობდი, თუმცა უფრო მეტად, ჩემს თავზე ვკონცენტრირდი. მისი ბევრი ბრძოლა არ მინახავს. მივიჩნევ, რომ როცა საკუთარ თავზე ვმუშაობ, თავდაჯერება მემატება და კარგად ვხვდები, რისი შესაძლებლობა მაქვს. მთლიანობაში, ძალიან კარგი მოსამზადებელი ბანაკი მქონდა"

"კორი სენდჰეგენს სახიფათო საბრძოლო სტილი აქვს, იგი გამორჩეულია მფრინავი მუხლით, სფინინგ დარტყმებითა და მტკივნეული შეტევებით. მას ასევე მშვენიერი კარდიო აქვს და თეიქდაუნისგან თავს კარგად იცავს. მაგრამ, ის ამჯერად ჩემთან ჩხუბობს, მე კი ჩემი თავის საუკეთესო ვერსიას წარმოვადგენ. ყველანაირ საფრთხეს ვაცნობიერებ, თუმცა რისთვისაც ვვარჯიშობდი აუცილებლად შევასრულებ. მჯერა, რომ ეს ღამე ჩემს სასიკეთოდ დასრულდება"

"ცხოვრება მშვენივრად მიდის, გაჩემპიონების შემდეგ ყველაფერი 10-ჯერ უკეთესია. დიდ პატივს მცემენ, თუმცა ვცდილობ, რომ ამ ყველაფრით არ ვისიამოვნო. ისევ დიდ დროს ვატარებ სპორტ დარბაზში და ცხადია ბევრს ვმოგზაურობ, თუმცა რეგულარულად მაინც აქ, ვეგასში, საკმაოდ უბრალო ცხოვრებით ვცხოვრობ. ვარჯიშზე კონცენტრირებული ვარ, რაც ჩემთვის უმთავრესია და ყველაზე მეტად მსიამოვნებს. ასევე მიხარია ჩემი ქომაგების, მეგობრებისა და საყვარელი ხალხის ნახვა, განსაკუთრებით ახლა, როდესაც ჩემპიონი ვარ."

"დიახ, თუ გავიმარჯვე, წლის საუკეთესო მებრძოლიც ვიქნები, მაგრამ ამაზე არ ვკონცენტრირდები. მინდა რომ მაქსიმალურად დავიხარჯო. ჯანმრთელი, მშიერი და უმაღლესად მოტივირებული ვარ. მიყვარს ბრძოლა და მინდა ჩემი მაქსიმუმი გავაკეთო, ხოლო თუ ამ ყiველაფერს რეკორდებისა და რეზიუმეს გაუმჯობესება მოჰყვება, ამაზე უარს არ ვიტყვი."

"პატარა რომ ვიყავი, ყოველთვის მინდოდა, რომ რაიმე განსაკუთრებულისთვის მიმეღწია. დარწმუნებული ვარ, რომ ნებისმიერ ბავშვს უნდა გახდეს ბიზნესმენი, პოლიციელი ან მეხანძრე. რა თქმა უნდა, მეც მქონდა ასეთი ოცნებები, მაგრამ როცა გავიზარდე, გადავწყვიტე, რომ გავმხდარიყავი ისეთი სპორტსმენი, რომელიც ჩემს ქვეყანას საზღვრების მიღმა წარმოადგენდა. ჩემი მიზანი ეს იყო, რაც, მადლობა ღმერთს, გამომივიდა. როცა იმ დროს ვიხსენებ, რთული წარმოსადგენია ის, თუ რას მივაღწიე და სადამდეც მოვედი. ახლა ეს ყველაფერი რეალურია, საკმაოდ დიდი გზა გამოვიარე და ბედნიერად ვცხოვრობ. ამით არ ვტკბები, მომდევნო მიზანი ყოველთვის გამაჩნია."