UFC-ის ყოფილმა ჩემპიონმა მსუბუქ დივიზიონში, ხაბიბ ნურმაგომედოვმა ისაუბრა პარის სენ-ჟერმენის შანსებზე ჩემპიონთა ლიგაზე. ყოფილი დაღესტნელი მებრძოლი ევროპული მთავარი საკლუბო ტურნირის ფავორიტად ასახელებს სწორედ პსჟ-ს და აღნიშნავს, რომ მას ფრანგულ კლუბში ბევრი მეგობარი ჰყავს.
"რომელი ფრანგული გუნდი მომწონს ყველაზე მეტად? პარის სენ-ჟერმენის გულშემატკივარი ვარ. ამ კლუბში მუშაობს ბევრი ჩემი მეგობარი, მათ შორის ალ ხელაიფიც. საფრანგეთი ევროპულ საფეხბურთო რუკაზე იმყოფება უკვე 15 წელი და ეს ყველაფერი სწორედ პსჟ-ს დამსახურება არის.
პარიზს შეუძლია ჩემპიონთა ლიგის მოგება და მეც ძალიან მინდა ამის ნახვა. ისინი ტიტულს ნამდვილად იმსახურებენ. ძალიან ბევრი ფული, დრო და ემოცია დაიხარჯა იმისთვის, რომ ენრიკეს გუნდი ამ საფეხურზე ასულიყო. მინდა, რომ ყველაფერი მათი ტრიუმფით დასრულდეს."
