სპეციალურად ფილმის პრემიერისთვის საქართველოში ჩამოვიდნენ ილია თოფურიას ოჯახის წევრები, ფილმის ჩვენებას ასევე SMH Sports-ის დამფუძნებელი ლაშა მაჭავარიანი, საქართველოს კულტურისა და სპორტის მინისტრის პირველი მოადგილე შალვა გოგოლაძე, სპორტსმენები, მედიის წარმომადგენლები და მოწვეული სტუმრები დაესწრნენ.
ფილმში "თოფურია მატადორი” - გადმოცემულია ჩემპიონის ამბავი, თუ როგორ შეძლო,ნებისყოფით, შეუპოვარი და დაუღალავი შრომით ქართველმა ბიჭმა მთელი მსოფლიოს ყურადღების მიპყრობა და ერთ-ერთ ყველაზე გამორჩეულ მებრძოლად ჩამოყალიბება. ფილმი დეტალურად ასახავს ილია თოფურიას კარიერის პირველ ნაბიჯებსა და იმ წარმოუდგენელ სირთულეებს, რისი დაძლევაც ილია თოფურიამ შეძლო.
თოფურია მატადორი - სპორტულ თემატიკაზე შექმნილი დოკუმენტური ჟანრის ფილმია, რომლის რეჟისორია Giampaolo Manfreda.
გზა ომიდან - ჩემპიონობამდე, პირველი ნაბიჯები სპორტში, სამშობლოს დატოვება,სირთულეების დაძლევა, ვარჯიშის გაგრძელება, ბრძოლა ჩემპიონობისთვის და გამარჯვება, - ფილმი UFC-ის პირველი ქართველი ჩემპიონის, ილია თოფურიას ცხოვრების შესახებ გვიყვება.
ფილმში ასევე ნაჩვენებია ის გამოწვევები და სირთულეები, რომლის წინაშეც არა მხოლოდ ილია, არამედ მთელი საქართველო იდგა. ეს ისტორია ერთგვარად ყველა იმ ადამიანს ეხება, რომელსაც ამ პერიოდის გავლა მოუწია.
UFC-ის ჩემპიონობა MMA-ში ყველაზე დიდი მიღწევაა, ქართველი ჩემპიონის გამარჯვება, არ ნიშნავს, მხოლოდ ერთი ადამიანის გამარჯვებას. ილიას განვლილი ცხოვრება, შემართება კარიერის მწვერვალი სიმბოლოა იმის, რომ რთული გარემო ფაქტორების მიუხედავად, არასოდეს შეწყვიტო ბრძოლა, არასოდეს დანებდე და აუცილებლად გაიმარჯვებ.
ფილმის შესახებ ილია თოფურიას დედამ, ინგა ბენდელიანი-თოფურიამ, საქართველოს კულტურისა და სპორტის მინისტრის პირველმა მოადგილემ შალვა გოგოლაძემ და SMH Sports-ის დამფუძნებელმა, ლაშა მაჭავარიანმა ისაუბრეს:
ინგა ბენდელიანი-თოფურია: "ქართველ მაყურებელთან შეხვედრა ჩვენი ოჯახისთვის განსაკუთრებით მნიშვნელოვანია, რადგან მა ფილმში სწორედ საქართველოდან წამოსული ისტორიაა გადმოცემული. ამ ფილმში კადრს მიღმა დარჩენილ ამბებს ნახავს მაყურებელი და ილია თოფურიასა და მის ოჯახს ბევრად უფრო ახლოს გაიცნობენ.”
შალვა გოგოლაძე: “ პირველ რიგში ყველა ქართველს მინდა მივულოცო, რომ ილია თოფურია ქართველია. მან უკვე შეძლო UFC-ის ორგზის ჩემპიონობა. ილიას შესახებ გადაღებული დოკუმენტური ფილმის ნახვა საქართველოში უკვე შესაძლებელია, მინდა “თოფურია მატადორი” იყოს მაგალითი ჩვენი მომავალი თაობისა, თუ როგორ შეიძლება სირთულეებისა და შრომის ფონზე მიაღწიო იმას, რასაც UFC-ის ჩემპიონობა და ილია თოფურიას განვლილი გზა, ვფიქრობ ნებისმიერი ქართველისთვის საამაყო და მინდ დიდი მადლობა გადავუხადო ილიას და მის მშობლებს ასეთი დიდი ჩემპიონის აღზრდისთვის. საუკუნეში ერთხელ იბადებიან ილიას მსგავსი სპორტსმენები და ძალიან სასიხარულოა რომ ის ქართველია.”
ლაშა მაჭავარიანი: "ქართველი გულშემატკივრისთვის “თოფურია მატადორი” მნიშვნელოვანი ფილმია, რომელიც ასახავს ქართველი ათლეტის წარმატებას, თუ როგორ იშრომა და მივიდა დიდ გამარჯვებამდე. SMH Sports-სთვის ძალიან მნიშვნელოვანი იყო რომ ეს ფილმი საქართველოში ყოფილიყო წარმოდგენილი. გვჯერა რომ ეს იქნება ინსპირაცია, ყველა ახალგაზრდისთვის, რომ ყველაფერი შესაძლებელია თუ დაისახავ მიზანს და იშრომებ. ასევე მნიშვნელოვანია, რომ MMA-ის მიმართ საქართველოში ინტერესი იზრდება.”
შეგახსენებთ, ილია თოფურიამ 17 თებერვალს UFC 298-ზე ქვემსუბუქი დივიზიონის ქამარი მოიპოვა – ქართველმა ჩემპიონი ალექსანდერ ვოლკანოვსკი მეორე რაუნდში ნოკაუტით დაამარცხა.
26 ოქტომბერს კი ილია თოფურიამ აბუ დაბიში UFC 308-ზე, მაქს ჰოლოვეის მესამე რაუნდში ნოკაუტით მოუგო და ქამარი დაიცვა. ილიას დაუმარცხებელი მებრძოლია, ქართველს 16 ბრძოლიდან 16 გამარჯვება აქვს.
SMH Sports-ი ფილმის წარმდგენი და ოფიციალური პარტნიორია. კომპანია აქტიურად არის ჩართული ქართული სპორტისა და ქართველი სპორტსმენების წარმოჩენასა და მათი მიღწევების ფართო აუდიტორიამდე პოპულარიზებაში.
SMH Sports-ის მხარდაჭერით, უკვე გამოიცა წიგნი ,,დედა და ილია,” წიგნის ავტორია გიორგი კეკელიძე. წიგნში დეტალურად არის მოთხრობილი ილია თოფურიას ოჯახისა და დედის, ინგა ბენდელიანი თოფურიას ცხოვრება.
SMH Sports-ი არის საქართველოში დაფუძნებული გლობალური კომპანია, რომელიც მსოფლიო მასშტაბით წარმატებით ოპერირებს მედიის, სპორტისა და iGaming-ის მიმართულებით.
SMH Sports-ი ექსკლუზიურად თანამშრომლობს მსოფლიო სპორტულ ბრენდებთან, როგორებიცაა: La Gazzetta dello Sport, Esports Insider, Setanta Sports, SBC Gaming, Kinkladze Global და სხვა.
SMH Sports-ი უწევს სპორტულ მარკეტინგულ და საკონსულტაციო მომსახურებას მსოფლიო დონის სპორტსმენებს, სპორტულ კლუბებსა, თუ ფედერაციებს.
SMH Sports-ი ქართული სპორტის აქტიური მხარდამჭერია.
