ილიააა, ილიააა, საქართველოს გაუმარ-ჯოს, გაუმარ-ჯოს, - ჯოს, - ბედნიერი ქართველების ასეთი შეძახილები გუშინ ოკეანის გადაღმა აშშ-ში, ლას ვეგასში, T-Mobile Arena-სთან ისმოდა. სამშობლოდან შორს მყოფი ქართველების სიხარულის მიზეზი, 28 წლის უკვე ლეგენდად ქცეული მებრძოლი, ილია თოფურია იყო.
UFC-ის ქვემსუბუქი წონის ჩემპიონმა, ჩემპიონობისთვის ახალ წონაში იბრძოლა და 2:27 წუთში მსუბუქ წონაში ჩემპიონის ქამარს დაეუფლა. თოფურიამ ჩარლზ ოლივეირა ნოკაუტით დაამარცხა.
ვისაც ილიას ბრძოლა რამდენიმე წამით მაინც უნახავს, აუცილებლად შეამჩნევდა მებრძოლის სილაღესა და განსაკუთრებულ ნიჭს ოქტაგონზე, ამიტომაც ქართველი გულშემატკივარი გამარჯვების ზეიმისთვის მზად იყო.
ილია თოფურიას გამარჯვების აღნიშვნას განსაკუთრებულს ოქტაგონზე დიდი ოჯახის შესვლა ხდის. ოჯახი ოქტაგონზე ამჟამადაც ავიდა, ილიას მეუღლე კვლავ პირველი იყო, შვილს, პატარა ჰუგო თოფურიას ილიამ კვლავ ვარდი გაუწოდა, შემდეგ კი მამას გადაეხვია, ალექსანდრემ ზეიმის ნიშნად ისევ მხარზე შეისვა ილია, გურამ ქუთათელაძემ კი პატარა ჰუგო და ოქტაგონზე ლამაზი შოუ ვიხილეთ, თუმცა თოფურიების ოჯახის კიდე ერთი წევრი, რომელიც გულშემატკივარმა განსაკუთრებით შეიყავარა არ ჩანდა, ოქტაგონზე ილია თოფურიას დედა ინგა ბენდელიანი-თოფურია არ იყო, დედა არ იყო არც გამარჯევების შემდეგ ფოტოსესიაზე.
ილიას დედა ბრძოლას დაესწრო, თუმცა ბრძოლას კუთვნილი VIP ზონიდან არ უყურა. როცა ილია ოჯახთან ერთად ჩემპიონობას ოქტაგონსა და კულისებში ზეიმობდა, დედა შვილის ისტორიულ გამარჯვებას ქართველ ხალხთან, ილის გულშემატკივრებთან ერთად აღნიშნავდა.
თოფურიების ოჯახის უშუალო კომუნიკაცია გულშემატკივართან საზოგადოერბისთვის კარდაა ცნობილი, თუმცა ინგას გადაწყვეტილებამ კიდევ უფრო დიდი სიხარული მოუტანა აშშ-ში მყოფ ქართველებს.
რატომ თქვა უარი ინგა ბენდელინი-თოფურიამ VIP ლოჟაზე და რატომ გადაწყვიტა ქომაგთა ტრიბუნაზე გადასვლა, - ამის შესახებ ჩემპიონის დედამ LaGazzetta.ge-სთან ისაუბრა:
"ვიცოდი ილიას გულშემატკივრები გარეთ ზეიმისთვის ემზადებოდნენ, ოქტაგონთან VIP ლოჟაში ყოფნის შემთხვევაში, დარბაზიდან გასვლა შეუძლებელი იქნებოდა. ამიტომ გადავწყვიტე გულშემატკივართან ერთად ვყოფილიყავი და ბრძოლისთვის ასე მეყურებინა. რა თქმა უნდა, ძალიან ბედნიერი და გახარებული ვარ. ბრძოლის შემდეგ გადავინაცვლე არენასთან შეკრებილ გულშემატკივრებთან და ერთად ვიზეიმეთ გამარჯვება, ეს დაუვიწყარი ემოცია იყო, უდიდესი სიყვარული და სიახურული იგრძნობოდა. მადლობა მინდა ვუთხრა საქართველოს, ასეთი სიყვარულისთვის და ილიას ყველა გულშემატკივარს, ჩვენთან ერთად იყვნენ ქართველი მებრძოლები და ძალიან მახარებს ამ ბიჭების ასეთი მხარდაჭერა და ერთიანობა, სწორედ ამას მოაქვს გამარჯვება. "
ილია თოფურია საქართველოს ისტორიაში პირველი და UFC-ში მეათეა, რომელიც ორი სხვადსხვა დივიზიონის ჩემპიონი გახდა. ისტორიაში კი პირველი მებრძოლია, რომელმაც ეს ყველაფერი წაგების გარეშე მოახერხა. ილიას 17 ბრძოლა და ჩვიდმეტივე გამარჯვება აქვს.
ილია თოფურიას დედამ და ოჯახმა, წარმატებამდე დიდი და რთული გზა გაირა.
ბრძოლაზე, შრომაზე, აფხაზეთზე, ჭუბერის ტკივილით სავსე გზაზე, ემიგრაციაზე, დაბრუნებაზე, ისევ ემიგრაციაზე, გამარჯვებაზე, აფხაზეთში დაბრუნების იმედსა და იმაზე, რომ აუცილებლად გაიმარჯვებ თუ ბოლომდე იბრძოლებ, - ამ ყველაფრის შესახებ, გვიყვება ბიოგრაფიული ლიტერატურა “დედა და ილია” - UFC-ის ქართველი ჩემპიონის, ილია თოფურიას ოჯახისა და დედის, ინგა ბენდელიანი-თოფურიას ცხოვრების შესახებ გამოცემული წიგნი, რომელიც გიორგი კეკელიძის ავტორობით გამოიცა.
,,დედა და ილია”SMH Sports-ის პროექტია, რომლის მთავარი სპონსორია apeople, სპონსორი - Gzavnili.com, საქართველოს ეროვნული უნივერსიტეტი სეუ • Georgian National University SEU,მხარდამჭერები -La Gazzetta Dello Sport Georgia,VELI.store,Biblusi • ბიბლუსი.La Gazzetta Dello Sport Georgia, VELI.store, Biblusi • ბიბლუსი.
წიგნის შეძენა ბიბლუსსა და ონლაინVELI.store.ge-ზეა შესაძლებელი.
