ოფიციალურად დაანონსდა თეთრ სახლში გასამართი UFC-ის ივენთის ქარდი. თავდაპირველად დაგეგმილი იყო რვა ან ცხრა ბრძოლის გამართვა, მაგრამ რეალურად, ორგანიზატორები მხოლოდ ექვსი ჩხუბით შემოიფარგლებიან. 14 ივნისს გასამართ ღონისძიებაზე ვარაუდობდნენ ჯონ ჯონსისა და კონორ მაკგრეგორის გამოჩენას, თუმცა ისინი არ იქნებიან.
მთავარ ბრძოლაში ილია თოფურია მსუბუქი წონითი დივიზიონის ქამარს დაიცავს დროებითი ჩემპიონის, ჯასტინ გეიჯის წინააღმდეგ. იქნება თანამთავარი ჩხუბიც, რომელშიც ალექს პერეირა და სირილ განი 120 კილოგრამადე წონითი დივიზიონის დროებით ქამარს გაათამაშებენ. ორგანიზაცია აღნიშნულ ნაბიჯს ტომ ასპინალის ტრავმის გამო დგამს.
ბრაზილიელი მებრძოლის გამარჯვების შემთხვევაში, ის გახდება პირველი ჩემპიონი UFC-ის სამ წონით დივიზიონში - საშუალოში, ქვემძიმეში და მძიმეში. რაც შეეხება დანარჩენ 4 ჩხუბს, შერეული საბრძოლო ხელოვნებების მოყვარულები იმედგაცრუებულები დარჩნენ. გთავაზობთ ფანების რამდენიმე გამოხმაურებას სოციალური ქსელებიდან.
"ტიპიური Fight Night-ი დანას ფარეხიდან"
"ყველაზე პესიმისტურად განწყობილი ადამიანებიც კი ვერ წარმოიდგენდნენ ასეთ ფსკერს"
"არც ჯონსი და არც მაკგრეგორი, არავინ, ვისაც ბრძოლის გაყიდვა შეუძლია"
"ერთი ბრძოლაც კი არ არის ისეთი, რომ ეს საღამო განსაკუთრებული იყოს"
"ტრამპმა უნდა უყუროს სანახაობას, თუ როგორ თიშავს ქართველ-ესპანელი მებრძოლი ამერიკელ მეტოქეს, ქვეყნის 250-იან წლისთავზე"
