ილია თოფურიას ტრიუმფალურ გამარჯვებას არმან ცარუკიანი გამოეხმაურა. შეგახსენებთ, რომ ჩარლზ ოლივეირას დანოკაუტებით, ქართველმა მებრძოლმა მსუბუქი წონითი დივიზიონის ქამარი მოიპოვა. სომეხი მებრძოლი ამ ყველაფერს თვალს ადევნებდა ცოცხლად, ივენთის დასრულების შემდეგ კი სოციალურ ქსელში მან პოსტი განათავსა.
"ილიას მოწინააღმდეგე ჩარლზი არ უნდა ყოფილიყო. მისი დაფინიშება მარტივად შემიძლია და მან ეს იცის. სწორედ ამიტომ გაურბის თოფურია რეალურ ნომერ პირველ ქონთენდერს."
აქვე დავამატებთ, რომ სომეხი მებრძოლი იყო დამზღვევი ქართველი ჩემპიონისა და ოლივეირას ბრძოლაში. დანა უაითის განცხადებით, "ახალქალაქელი" საჩემპიონო ჩხუბს ჯერჯერობით ვერ მიიღებს, "ელ მატადორის" შემდეგი მეტოქე კი დიდი ალბათობით პედი პიმბლეტი იქნება.
