უკანასკნელად, მსუბუქი დივიზიონის კონტენდერმა - ჯასტინ გეიჯიმ, სოციალურ ქსელებში ვიდეო განათავსა. ამერიკელი ათლეტი მიიჩნევს, რომ მისი და ილია თოფურიას დაპირისპირება, ყველაზე ლოგიკური გადაწყვეტილებაა, რომელიც ამჟამად ორგანიზაციას შეუძლია მიიღოს.
"როცა თოფურია იასპარეზებს, ბრძოლაც მაშინ მექნება. აქამდე იმედი მქონდა, რომ მასთან შეხვედრას იანვარში შევძლებდი. ილიას მომავალი ბრძოლის თარიღი, გუნდის გარდა, არავინ იცის. საუკეთესო ვარიანტად თეთრი სასახლე მიმაჩნია და ამის საწინააღმდეგო მიზეზსაც ვერ ვხედავ. ის ჩემპიონია, მე ამერიკელი მებრძოლი ვარ, რომელიც ამ შანსს სხვაზე არანაკლებად იმსახურებს. UFC-სთვის უარი არასდროს, არც ერთ შემოთავაზებაზე არ მითქვამს. ვიმედოვნებ, რომ თეთრი სასახლის ღონისძიებაზე ჩემი ქვეყნის წარმოჩენის საშუალება მომეცემა."
