UFC-ის ყოფილი სუპერმსუბუქი დივიზიონის ჩემპიონი - შონ ომალი დარწმუნებულია, რომ მსუბუქ წონაში ,დღესდღეობით, ილია თოფურიას ყველაზე სერიოზულ გამოწვევას ახალგაზრდა კონტენდერი - არმან ცარუკიანი წარმოადგენს.
ცარუკიანმა, UFC Fight Night Qatar-ზე კიდევ ერთხელ დაამტკიცა, თუ რატომ მიიჩნევა იგი 70კგ დივიზიონში ერთ-ერთ ყველაზე სახიფათო მებრძოლად - მან ახალ ზელანდიელი ათლეტი - დენ ჰუკერი, მეორე რაუნდში მახრჩობელა ილეთით დააფინიშა. ამ გამარჯვების შემდეგ, „ახალქალაქელმა“ კიდევ ერთხელ დაამტკიცა ტიტულის ჩელენჯერის სტატუსი და გულშემატკივრებს ანახა, რომ მსუბუქ დივიზიონში, ორთაბრძოლების წარმატებით ჩატარება ჯანმრთელობის პრობლემების გარეშეც შეუძლია.
უკანასკნელად, ამერიკელმა სპორტსმენმა, ილიასა და არმანის შესაძლო დაპირისპირებაზე ახალ ვიდეოში, საკუთარ Youtube არხზე ისაუბრა.
"არმანი ხელწამოსაკრავი მებრძოლი ნამდვილად არაა. თოფურია VS ცარუკიანი საინტერესო დაპირისპირება იქნება. მივიჩნევ, რომ UFC მათ შეხვედრას არ ჩაატარებს, რადგან მათ ჩემპიონი ილია ძალიან უყვართ. ორგანიზაციას არ სურს, რომ ცარუკიანმა ტიტული მოიგოს. არმანს თოფურიას დამარცხების ლეგიმიტური შანსი გააჩნია. შეიძლება, რომ ილიამ ის გათიშოს, მაგრამ მსუბუქ დივიზიონში თუ ვინმეს თოფურიას დამარცხების შანსი აქვს, ეს არმან ცარუკიანია. "
