მერაბ დვალიშვილი 2025 წელს არაერთი ინდივიდუალური ჯილდოს მიღებით ასრულებს. სუპერმსუბუქი დივიზიონის ყოფილი ჩემპიონი დასახელდა წლის საუკეთესო მებრძოლად ESPN-ის, ESPY Awards-ის, MMA Junkie-ის და The Wrightway Sports Network-ის ვერსიით.
ამის გარდა, ქართველი სპორტსმენი უშუალოდ UFC-იმ დაასახელა 2025 წლის პირველი ნახევრის საუკეთესო მებრძოლად და 2025 წლის პირველი ნახევრის საუკეთესო საბმიშენის ავტორად. საუბარია მტკივნეულ ილეთზე, რომლითაც "მანქანამ" შონ ო'მალის რემატჩშიც მოუგო.
შეგახსენებთ, რომ 34 წლის მებრძოლი 2025 წელს შეხვდა სუპერმსუბუქი დივიზიონის მოქმედი ჩემპიონის რანგში, რის შემდეგაც მან ქამარი დაიცვა უმარ ნურმაგომედოვის, ზემოთხსენებული "შუგასა" და კორი სენდჰეგენის წინააღმდეგ. დვალიშვილს სურდა ერთ კალენდარულ წელში ქამრის მე-4 დაცვაც, მაგრამ მან პიოტრ იანთან წააგო.
მერაბ დვალიშვილის ინდივიდუალური ჯილდოები 2025 წელს
| ESPN | 2025 წლის საუკეთესო მამაკაცი მებრძოლი |
| ESPY Awards | 2025 წლის საუკეთესო მებრძოლი |
| MMA Junkie | 2025 წლის საუკეთესო მამაკაცი მებრძოლი |
| The Wrightway Sports Network | 2025 წლის საუკეთესო მამაკაცი მებრძოლი |
| UFC.com Awards | 2025 წლის პირველი ნახევრის საუკეთესო მებრძოლი |
| UFC.com Awards | 2025 წლის პირველი ნახევრის საუკეთესო საბმიშენის ავტორი |
