UFC-ის დოჰაში გასამართი ივენთისთვის ყველაფერი მზად არის. აღნიშნულ ღონისძიებაზე იბრძოლებს ალექსანდრე თოფურია, რომლის მეტოქე ბეკზატ ალმახანი იქნება. ქართველმა მებრძოლმა წარმატებით ჩააბარა წონა, რაც ნიშნავს იმას, რომ მის პერფომანსს წინ აღარაფერი უდგას.
შეგახსენებთ, რომ ეს იქნება "ელ კონკისტადორის" მეორე ბრძოლა UFC-ში. მისი დებიუტი შედგა მიმდინარე წლის თებერვალში, კოლბი თიქნესის წინააღმდეგ, რომელსაც 29 წლის მებრძოლმა მსაჯთა ერთსულოვანი გადაწყვეტილებით მოუგო.
