"ჩვენ აუცილებლად დავილაპარაკებთ, როცა შევხვდებით. ის ყოველთვის საუბრობს ჩემზე, მგონი მას რაღაცის თქმა სურს, მაგრამ მე ვერ ვგებულობ, ამიტომ გავიდეთ გარეთ და დავილაპარაკოთ.
თუ საჭირო იქნება, ჩვენ ვიჩხუბებთ. ის განსხვავებული წონის წარმომადგენელია. მე მას მოვუგებ, მაგრამ რას მომცემს ეს? ამ ჩხუბით ქამარს ვერ მოვიგებ, მაგრამ თუ ხალხს სურს იმის ნახვა თუ როგორ ვცემ მას, რატომაც არა." - განაცხადა ამჟამინდელმა მსუბუქი წონის ჩემპიონმა თოფურიაზე.
ილიასა და მახაჩევის დაპირისპირების ნახვა უკვე ყველას სურს, რადგან ხალხი მიიჩნევს, რომ "ელ მატადორი" ისლამისთვის ნამდვილი გამოწვევა იქნება, რაც, რა თქმა უნდა, გარკვეულწილად, გამოწვეულია ქართველი მებრძოლის შესანიშნავი გრეპლინგის უნარების და მისი კრივის ხარჯზე. მახაჩევს მსუბუქ წონაში ზედიზედ 14 ბრძოლა აქვს მოგებული, რის გამოც ფანების დიდი ნაწილი დაღესტნელი ათლეტის საბრძოლო შესაძლებლობებს ეჭვქვეშ არ აყენებს.
ილიამ ისლამი უკვე დიდი ხანია გამოიწვია, რადგან მას სურს, რომ მსუბუქი წონის ქამარიც ხელში ჩაიგდოს. ეს ღონისძიება, ჩატარების შემთხვევაში, დიდი ალბათობით, პირველი იქნება Pay-Per-view-ს რეიტინგში.
