UFC-ის პრეზიდენტმა, დანა უაითმა თავის უკანასკნელ ინტერვიუში განაცხადა, რომ ის შეხვდა საქართველოს მთავრობის ერთ-ერთ წევრს, რომელმაც მას ივენთის საქართველოში ჩატარება შესთავაზა. მთავარ ბრძოლაში მონაწილეობის მიღების მთავარ კანდიდატად მერაბ დვალიშვილი განიხილება.
"დღეს ვიყავი შეხვედრაზე, რომელსაც საქართველოს მთავრობის წარმომადგენელიც ესწრებოდა. მან გვითხრა, რომ სურდა ჩვენთან საუბარი და მისი მიზანი UFC-ის ივენთის საქართველოში ჩატარება არის. მათი მიზანი მერაბის საჩემპიონო ბრძოლით სამშობლოში დაბრუნება არის."
ეს არ არის პირველი შემთხვევა, როდესაც ამერიკელი ბიზნესმენი UFC-ის ღონისძიების საქართველოში გამართვაზე საუბრობს. ამ ფაქტის შესახებ UFC-ის პრეზიდენტმა ისაუბრა დვალიშვილის ნურმაგომედოვთან მოგების შემდეგ, ასევე მაშინ, როცა თოფურიამ ჰოლოუეი გათიშა.
