13 მაისს გაირკვევა თუ რომელ ჯგუფში იასპარეზებს საქართველოს საკალათბურთო ნაკრები 2027 წლის მსოფლიოსჩემპიონატის შესარჩევი ტურნირზე.
წილისყრა ტურნირის მასპინძელი ქვეყნის, კატარის დედაქალაქ დოჰაში გაიმართება. უმასპინძლებს.
მსოფლიოს ჩემპიონატის შესარჩევი ტურნირი კონტინენტების მიხედვით განაწილდება. ჩვენთვის საინტერესო, ევროპის საკვალიფიკაციო ჯგუფებში მონაწილეობას 32 ნაკრები განაწილდება. აღნიშნული 32 გუნდიდან 24 ევრობასკეტ 2025-ის მონაწილეა, ხოლო დარჩენილი 8 ადგილისთვის ეს 12 ნაკრები იბრძოლებს აგვისტოში: ხორვატია, უკრაინა, უნგრეთი, ბულგარეთი, ჰოლანდია, ჩრდილოეთ მაკედონია, დანია, სლოვაკეთი, ნორვეგია, ავსტრია, რუმინეთი და შვეიცარია.
საქართველოს ნაკრები წილისყრის წინ ფიბა-ს მსოფლიო რეიტინგის შესაბამისად მე-4 კალათაში განითესა ფინეთთან, თურქეთთან და დანია-ხორვატიას შორის გამარჯვებულთან. ეს ნიშნავს, რომ ეს გუნდები შესარჩევ ტურნირში არ შეგვხვდებიან.
32 ნაკრები 8 ჯგუფში განაწილდება. თითოეული, 4-გუნდიანი ჯგუფიდან მომდევნო ეტაპზე 3 საუკეთესო გავა. პირველი ეტაპის 6 მატჩისთვის გამოყოფილი იქნება 3 სათამაშო ფანჯარა, რომელიც 2025 წლის ნოემბერში დაიწყება და 2026 წლის ივლისში დასრულდება.
მეორე ეტაპზე გასული 24 ნაკრები 4 ჯგუფში განაწილდება. თამაშები 2026 წლის აგვისტოში დაიწყება, ნოემბერში გაგრძელდება და 2027 წლის თებერვალში დასრულდება. თითო ჯგუფიდან გასული 3-3 ნაკრები (ჯამში 12 ქვეყანა) მსოფლიოს 2027 წლის ჩემპიონატის საგზურს მოიპოვებს.
შეგახსენებთ,საქართველოს ნაკრებმა მსოფლიოს ჩემპიონატზე პირველად 2023 წელს იასპარეზა და ჯგუფური ეტაპის დაძლევა მოახერხა. საქართველო მსოფლიოს პირველობაზე 16 საუკეთესო ნაკრებში მოხვდა და ახლა შანსი აქვს, მუნდიალზე ზედიზედ მეორედ იასპარეზოს.
ფოტო: საქართველოს კალათბურთის ფედერაცია
