ლივერპულის ბანაკიდან ახალი ინფორმაცია ვრცელდება — როგორც ირკვევა, მერსისაიდული კლუბის ხელმძღვანელობა გუნდის 3 წამყვან ფეხბურთელს ახალ კონტრაქტს ძალიან მალე შესთავაზებს. ამ სიაში მოხდვნენ ალისონ ბეკერი, რაიან გრავენბერხი და დომინიკ სობოსლაი.
როგორც დომინიკ სობოსლაის, ისე რაიან გრავენბერხსაც კლუბთან არსებული კონტრაქტი 2028 წლამდე აკავშირებს, ლივერპულში კი ფიქრობენ, რომ ორივე მათგანი ახალ, გაუმჯობესებულ ხელშეკრულებას იმსახურებს. ფეხბურთელების აგენტებთან მოლაპარაკებები უკვე დაწყებულია და დიდია იმის ალბათობა, რომ მხარეები შეთანხმებას 2026 წლის დასაწყისში მიაღწევენ.
რაც შეეხება ალისონ ბეკერს, კლუბში ბრაზილიელი მეკარის შენარჩუნება ყველას სურს, შესაბამისად, მერსისაიდელები გამოცდილ კარის დარაჯს ახალ კონტრაქტს მალე შესთავაზებენ. შეგახსენებეთ, 33 წლის ფეხბურთელს ლივერპულთან არსებული ხელშეკრულება 2027 წლამდე აკავშირებს. რა გეგმები აქვს თავად ალისონს და სურს თუ არა მას ენფილდზე კარიერის გაგრძელება ჯერჯერობით უცნობია. ზაფხულის სატრანსფერო ფანჯრის მოახლოებასთან ერთად, ბრაზილიელი კარის დარაჯის თაობაზე უფრო მეტი ინფორმაცია გახდება ცნობილი.
