რამდენიმე კვირის წინ როგორც გაცნობეთ, ბარსელონა ზაფხულის სატრანსფერო ფანჯრის დროს ალესანდრო ბასტონის გადაბირებას შეეცდება, დღეს კი როგორც ირკვევა, "ბლაუგრანამ" იტალიელი მცველის ტრანსფერზე მუშაობა ოფიციალურად დაიწყო!
ბარსელონას სპორტულ დირექტორსა და 26 წლის ფეხბურთელის აგენტს შორის პირველი კონტაქტი უკვე შედგა, სადაც მხარეებმა კონტრაქტის დეტალებზე ისაუბრეს. კატალონიურ კლუბთან დაახლოებულ წყაროებს თუ დავუჯერებთ, ალესანდრო ბასტონის ბარსელონაში თამაშის დიდი სურვილი აქვს, რაც ამ მოლაპარაკებებში მნიშვნელოვანი დეტალია.
რაც შეეხება ინტერის პოზიციას, "ნერაძურის" გუნდის ერთ-ერთი ლიდერის შენარჩუნება რა თქმა უნდა სურს, მეტიც, მილანელები ალესანდრო ბასტონის ახალ კონტრაქტს უახლოეს პერიოდში შესთავაზებენ, თუმცა ყველაფერი მაინც ფინანსებზე იქნება დამოკიდებული — ბარსელონამ სოლიდური შეთავაზება თუ გააკეთა, დიდი შანსია იტალიელი მცველის ტრანსფერი შედგეს!
