როგორც ესპანური პრესა იტყობინება, კატალონიურმა კლუბმა ფეხბურთელის კონტრაქტში ჩაწერა პუნქტი, რომლის მიხედვითაც ის გუნდში მხოლოდ სეზონის პირველ ნაწილში იქნებოდა დარეგისტრირებული. 26 წლის ფეხბურთელმა სეზონის სტარტზე რამდენიმე თამაში გამოტოვა, რადგან კლუბმა ვერ დაარეგისტრირა სახელფასო ჭერის პრობლემების გამო. შემდეგ იყო ანდრეას კრისტენსენის ტრავმა, რამაც ადგილი გამოათავისუფლა და ბარსამ სწორედ მის ადგილას ჩასვა დანი ოლმო.
კონტრაქტში წერია მეორე პუნქტიც, რომლის მიხედვითაც, კლუბი 6-თვით ესპანელ ნახევარმცველს ჩემპიონატში დაარეგისტრირებდა, თუმცა თუ სეზონის მეორე ნაწილში ვერ მოხდებოდა მისი რეგისტრაცია, ფეხბურთელს გუნდის უფასოდ დატოვება შეეძლებოდა. თუმცა, ბარსელონაში დარწმუნებული არიან, რომ ახალ წლამდე დანი ოლმოს დარეგისტრირებას შეძლებენ. კლუბმა Nike-თან ახალ შეთანხმებას მიაღწია, ასევე იგეგმება უფრო მეტი კომერციული შემოსავალიც, რაც ბარსას ფინანსურ სიტუაციას საგრძნობლად გამოასწორებს.
