რამდენიმეკვირიანი მოლაპარაკებები საბოლოო შეთანხმებით დასრულდა, დარვინ ნუნიესი ლივერპულიდან კარიერას ალ ჰილალში გააგრძელებს. მხარეებმა გარიგების ყველა დეტალი შეათანხმეს, 26 წლის ურუგვაელ ფორვარდს საუდიში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. ალ ჰილალი დარვინ ნუნიესის სანაცვლოდ დაახლოებით €60-65 მილიონს გადაიხდის.
დარვინ ნუნიესი, რომ ლივერპულის დატოვებას გეგმავდა, ამის შესახებ რამდენიმე თვის წინ გაცნობეთ. ფეხბურთელი არნე სლოტის გეგმებში არ შედიოდა, შესაბამისად, ურუგვაელის აგენტი ახალ გუნდს დაახლოებით 5-6 თვის განმავლობაში ეძებდა. განიხილებოდა ევროპაში დარჩენაც, კერძოდ საქმეში ნაპოლი და მილანიც იყვნენ, თუმცა ყველას საუდის ერთ-ერთმა გამორჩეულმა კლუბმა აჯობა და ტრანსფერიც დაიხურა.
დარვინ ნუნიესი ლივერპულის ღირსებას 2022 წლიდან მოყოლებული იცავდა. ურუგვაელმა ამ დროში 143 მატჩის ჩატარება მოასწრო, გაიტანა 40 გოლი და 26 საგოლე გადაცემითაცგამოიჩინათავი. ბოლო მომენტში რაიმე გაუთვალისწინებელი თუ არ მოხდა, ალ ჰილალი დარვინ ნუნიესს მომდევნო კვირაში ოფიციალურად წარადგენს.
