"როდესაც მანჩესტერ იუნაიტედის პირველ გუნდში მოვხვდი, ვფიქრობ, საკმაოდ არასწორ პოზიციაზე ვთამაშობდი, თუმცა ეს არცერთი მწვრთნელის ბრალი არ იყო. ჩემი ძლიერი მხარე ყოველთვის იყო საჯარიმოში მოხვედრა და გოლების გატანა, მაგრამ მე მიწევდა თამაში როგორც 6 ნომერზე, ან ცენტრალურ მცველად და ეს არასდროს ყოფილა ჩემი საყვარელი პოზიციები."
"მაგრამ როდესაც მანჩესტერ იუნაიტედში თამაშობ და 20 წლის ხარ, არ შეგიძლია მწვრთნელის კარზე დააკაკუნო და თქვა, რომ მე-8 ნომერზე, პოლ პოგბას წინ თამაში მინდა — ეს არ არის რეალისტური. უნდა იცოდე შენი ადგილი და აკეთო ის, რასაც გთხოვენ.
ეს მანჩესტერ იუნაიტედია, შესაბამისად, ყოველთვის მზად უნდა იყოთ — არ აქვს მნიშვნელობა რა პოზიციაზე მოგიწევს თამაში, ფანები არ მოითმენენ წარუმატებლობას. გამიმართლა, რომ ამ გუნდის მაისურით 250 თამაში ჩავატარე, კარაბაოს თასი და ასოციაციის თასი მოვიგე, მაგრამ მეტის მოგება მინდოდა."
"რატომ ნაპოლი? მანჩესტერ იუნაიტედში ზუსტად არ ვიცოდი რა ხდებოდა და ასეთ დროს ნაპოლის ინტერესის შესახებ, როცა გესმის, როცა იგებ თუ როგორი გულშემატკივრები ჰყავს ამ კლუბს, იხსენებ სერია ა-ს დონესა და ხარისხს, ძნელია ამ შემოთავაზებაზე უარის თქმა.
ხალხი ფრთხილად უნდა იყოს, როდესაც ამბობენ, რომ იტალია ან ესპანეთი არ არის პრემიერ ლიგის ტოლფასი. ფიზიკურად და ტაქტიკურად, იტალიაში მომიწია ყველაზე რთული მატჩების ჩატარება.
ამ კლუბში გადმოსვლით, ვფიქრობ სწორი გადაწყვეტილება მივიღე. ნაპოლი ერთ-ერთი ყველაზე დიდი იტალიური კლუბია. აქ ყველაფერი მომწონს, დაწყებული ჩემი სათამაშო პოზიციიდან, დამთავრებული იტალიური სამზარეულოთი."
შეგახსენებთ, სკოტ მაკტომინეი ნაპოლის ღირსებას 2024 წლის ზაფხულიდან მოყოლებული იცავს. შოტლანდიელმა ამ დროში 31 მატჩის ჩატარება მოასწრო, გაიტანა 7 გოლი და 4 საგოლე გადაცემითაც გამოიჩინა თავი. ანტონიო კონტეს გუნდი საჩემპიონო რბოლაში კვლავ რჩება — "პარტენოპეი" 30 ტურის შემდეგ, 64 ქულით, მე-2 პოზიციაზე იმყოფება. ნაპოლი ლიდერ ინტერს, მხოლოდ 4 ქულით ჩამორჩება, თუმცა აუცილებლად უნდა ითქვას ისიც, რომ კონტეს გუნდს ერთი მატჩის ნაკლები აქვს ჩატარებული.
