ზურიკო დავითაშვილი სენტ-ეტიენის დასატოვებლად ემზადება. ქართველი ფეხბურთელი ლიგა 2-ში დარჩენას არ აპირებს და ზაფხულში სხვა გუნდში ტრანსფერი თითქმის გადაწყვეტილი ამბავია.
როგორც ირკვევა, 24 წლის ვინგერის სიტუაციას რამდენიმე ფრანგული კლუბი ყურადღებით აკვირდება. ჩვენი ინფორმაციით, ლიგა 1-ის ბინადარი სტრასბურგი ზურიკო დავითაშვილის დამატებას სერიოზულად განიხილავს. მათი ინტერესი რეალური და დადასტურებულია.
სენტ-ეტიენი ქართველ ფეხბურთელს დაახლოებით €15-20 მილიონად აფასებს. ზაფხულის სატრანსფერო ფანჯრის მოახლოებასთან ერთად, ზურიკო დავითაშვილის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი. მოსალოდნელია სხვა კლუბების გააქტიურებაც.
24 წლის ფეხბურთელს საკმაოდ კარგი სეზონი ჰქონდა — ზურიკო დავითაშვილმა 9 გოლი გაიტანა, პლიუს ამას 8 საგოლე გადაცემითაც გამოიჩინა თავი. რაც შეეხება სტრასბურგს, ლიამ როსენიორის გუნდმა სეზონი მე-7 პოზიციაზე დაასრულა.
