ლივერპულში ახალი სეზონისთვის მზადებას აგრძელებენ. კლუბმა ტრენტ ალექსანდერ-არნოლდის შემცვლელი უკვე იპოვა — ჟერემი ფრიმპონგი უახლოეს საათებში ლივერპულის ფეხბურთელი ოფიციალურად გახდება. მერსისაიდელებმა 24 წლის ფლანგელის სანაცვლოდ დაახლოებით €35-40 მილიონი გადახაიდეს. თუმცა, არნე სლოტის გუნდი ამაზე გაჩერებას არ აპირებს.
ლივერპული პრემიერ ლიგის ერთ-ერთი გამორჩეული მცველის დამატებასთან ახლოსაა — საუბარია მილოშ კერკეზზე, რომლის ტრანსფერიც აშკარად დროის საკითხია. მხარეებს შორის წინასწარი სიტყვიერი შეთანხმება უკვე არსებობს, დარჩენილია მხოლოდ ბორნმუთთან ტრანსფერის ბოლო დეტალების შეთანხმება. საუბარია დაახლოებით €40-45 მილიონიან გარიგებაზე. ბოლო მომენტში თუ რაიმე გაუთვალისწინებელი არ მოხდება, 21 წლის უნგრელი მარცხენა მცველი ახალ სეზონს აუცილებლად ლივერპულში დაიწყებს.
მერსისაიდული კლუბი, რომ მილოშ კერკეზით ინტერესდებოდა, ამის შესახებ რამდენიმე კვირის წინ უკვე გაცნობეთ. როგორც ჩანს, არნე სლოტისთვის პრიორიტეტული დაცვის ხაზის გაძლიერებაა. ჟერემი ფრიმპონგისა და მილოშ კერკეზის ტრანსფერების გარდა, დიდი შანსია ლივერპულმა ერთი ცენტრალური მცველიც დაიმატოს.
