ბოლო კვირების განმავლობაში, ინგლისური პრესა ტრენ ალექსანდერ-არნოლდის თაობაზე სხვადასხვა სახის ინფორმაციას ავრცელებდა. ბევრი გამოცემის აზრით, ლივერპული ინგლისელი განაპირა მცველის შენარჩუნებას კვლავ ცდილობს და კლუბში იმედოვნებენ, რომ ტრენტი სეზონის ბოლომდე გადაწყვეტილებას შეიცვლის. იმედიანად არიან ლივერპულის ფანების გარკვეული ნაწილიც, ვისაც ჯერ კიდევ სჯერათ, რომ ფეხბურთელი გუნდს არ დატოვებს.
რა ხდება რეალურად?
ბევრი ჭორისა და საუბრის მიუხედავად, ტრენტ ალექსანდერ-არნოლდი ლივერპულს მაინც დატოვებს — ეს გადაწყვეტილება საბოლოოა და გადახედვას აღარ ექვემდებარება. ინგლისელი ფეხბურთელი 2025/26 სეზონს რეალ მადრიდში დაიწყებს! 26 წლის მოთამაშესა და სამეფო კლუბს შორის წინასწარი სიტყვიერი შეთანხმება უკვე არსებობს, სეზონის დასრულების შემდეგ კი მხარეები ყველა დეტალს მოაგვარებენ, რის შემდეგაც მადრიდული კლუბი ტრანსფერს ოფიციალურად დაადასტურებს. ფლორენტინო პერესმა ეს გარიგება პირადად დახურა.
