დადასტურებულად — მანჩესტერ სიტი ზაფხულში როგორც ჯეკ გრილიშის, ისე ბერნარდუ სილვას სანაცვლოდ ყველა შეთავაზებას განიხილავს. კლუბში ფიქრობენ, რომ ამ მოთამაშეებმა საკუთარი თავი ამოწურეს, შესაბამისად, ნახევარდაცვის ხაზის გადახალისება საციცოცხლოდ მნიშვნელოვანია. თითქმის გადაწყვეტილი ამბავია, რომ ზემოხსენებული ფეხბურთელები ახალ სეზონს, ახალ გუნდებში დაიწყებენ.
ბერნარდუ სილვას კლუბთან არსებული კონტრაქტი 2026 წლამდე აკავშირებს, შესაბამისად, მისი სატრანსფერო ფასი არც ისე მაღალი იქნება. "ქალაქელები" 30 წლის პორტუგალიელს დაახლოებით €25-30 მილიონად აფასებენ. რაც შეეხება ჯეკ გრილიშსს, ინგლისელს სიტისთან ხელშეკრულება 2027 წლამდე აკავშირებს, მისი დღევანდელი სატრანსფერო ფასი კი €35-40 მილიონია.
შეგახსენებთ, სეზონის ბოლოს კევინ დე ბრუინის მანჩესტერული ისტორიაც დასრულდება, თუმცა როგორც ჩანს ის ერთადერთი გამოცდილი ფეხბურთელი არ იქნება, რომელიც სიტის დატოვებს. პეპ გვარდიოლასა და ხელმძღვანელობის გადაწყვეტილებით, ზაფხულში ძირეული ცვლილებები იგეგმება, შესაბამისად, სიტის საკმაოდ ბევრი ფეხბურთელი დატოვებს.
