ზამთრის სატრანსფერო ფანჯრის მოახლოებასთან ერთად, ევროპის მასშტაბით რამდენიმე კლუბის თაობაზე საინტერესო ინფორმაციები გავრცელდა. მას შემდეგ, რაც ანტუან სემენიოს მანჩესტერ სიტიში ტრანსფერი თითქმის დადასტურდა, ბრიტანული პრესის ინფორმაციით, ამ ყველაფერმა შეიძლება ომარ მარმუშისა და სავინიოს მომავალი შეცვალოს.
როგორც იწერება, მანჩესტერ სიტიში მზად არიან როგორც ეგვიპტელის, ისე ბრაზილიელი ვინგერის სანაცვლოდაც ყველა შეთავაზება განიხილონ. ამ სეზონში ერთი რამ ფაქტია, მარმუში და სავინიო დიდ სათამაშო დროს ვერ იღებენ, სემენიოს ტრანსფერის შემდეგ კი ეს სტატისტიკა კიდევ უფრო გაუარესდება.
სავინიოს და მარმუშის თაობაზე რამდენიმე კლუბის ინტერესზე უკვე დაიწერა, თუმცა ამ მომენტისთვის კონკრეტული ჯერ არაფერი ხდება. მას შემდეგ, რაც ზამთრის სატრანსფერო ფანჯარა გაიხსნება, დიდი შანსია ზემოხსენებული ფეხბურთელების თაობაზე უფრო მეტი ინფორმაცია გახდეს ცნობილი.
