იუვენტუსი, ნიუკასლი, ვესტ ჰემი და ასტონ ვილა — დიახ, ოთხივე გუნდი საქმეშია და დიდი შანსია უახლოეს კვირებში დიდი აუქციონიც ვიხილოთ. მილანში მომავალ წელს დიდი ცვლილებებია დაანონსებული, გუნდმა ტრანსფერზე რამდენიმე ფეხბურთელი დააყენა და არის შანსი წამსვლელთა სიაში ფიკაიო ტომორიც მოხვდეს. ზემოთ ხსენებული გუნდების ინტერესი რეალური და დადასტურებულია.
ინგლისელ ცენტრალურ მცველს კლუბთან არსებული კონტრაქტი 2027 წლამდე აკავშირებს, შესაბამისად, მისი სატრანსფერო ფასი არც ისე დაბალია. მილანური გრანდი ფეხბურთელის სანაცვლოდ €25-30 მილიონს ითხოვს. უახლოეს კვირებში ფიკაიო ტომორის შესახებ უფრო მეტი ინფორმაცია გახდება ცნობილი.
