მილანის 2024/25 სეზონი, კლუბის ისტორიაში შეიძლება ერთ-ერთ ყველაზე ცუდ სეზონად კი შეიძლება შეფასდეს. იმის მიუხედავად, რომ კლუბმა იტალიის სუპერ თასის მოგება მოახერხა, "როსონერი" იტალიის თასის ფინალში დამარცხდა, რასაც ევროტურნირების საგზურის გარეშე დარჩენაც დაემატა. ეს ყველაფერი მილანს ფინანსურად ძალიან დააზარალებს.
რა შეიცვლება ზაფხულში?
კლუბი ახალ სპორტულ დირექტორსა და ახალ მთავარ მწვრთნელს უკვე დიდი ხანია რაც ეძებს. სერჟიუ კონსეისაუ გუნდს 100% დატოვებს. დიდი ცვლილებები იქნება არსებულ შემადგენლობაშიც — როგორც იტალიური გამოცემები წერენ, მილანს რამდენიმე ლიდერი დატოვებს.
პირველი ფეხბურთელი, რომელიც შეიძლება მილანიდან წავიდეს ტიჯანი რეინდერსია. იმის მიუხედავად, რომ ფეხბურთელმა რამდენიმე თვის წინ კონტრაქტი 2030 წლამდე გაახანგრძლივა, დიდი შანსია ზაფხულში ახალ გუნდში გადაბარგდეს. ნიდერლანდელის ტრანსფერზე მანჩესტერ სიტი მუშაობს. "ქალაქელები" უახლოეს დღეებში პირველ ოფიციალურ შეთავაზებას გააკეთებენ. მილანი ტიჯანი რეინდერსს დაახლოებით €70 მილიონად აფასებს.
რაც შეეხება სხვა ლიდერებს, გუნდი შესაძლოა რაფა ლეაომ, ტეო ერნანდესმა და მაიკ მენიომაც დატოვონ. კლუბი მათ სანაცვლოდ ყველა შეთავაზებას განიხილავს, რაც იმას ნიშნავს, რომ კლუბში დიდი ცვლილებები მოხდება.
მილანი რაფა ლეაოს დაახლოებით €80 მილიონად აფასებს, ხოლო რაც შეეხება ფრანგ ფეხბურთელებს, ორივე ფეხბურთელის ფასი დაახლოებით €30-35 მილიონია.
ზაფხულის სატრანსფერო ფანჯრის მოახლოებასთან ერთად, მილანის გარშემო უფრო მეტი ინფორმაცია გახდება ცნობილი.
