ალექს მერეტთან საკმაოდ გრძელვადიანი მოლაპარაკებები საბოლოო შეთანხმებით დასრულდა — იმის მიუხედავად, რომ იტალიელი ნაპოლის დატოვებას სერიოზულად განიხილავდა, აურელიო დე ლაურენტისმა ფეხბურთელი გუნდში დარჩენაზე მაინც დაიყოლია. მხარეებს შორის ახალი ხელშეკრულება დიდი ალბათობით 2027 ან 2028 წლამდე გაფორმდება.
ამის შემდეგ, გუნდის სპორტული დირექტორი ჯოვანი მანა თავიდან ბოლომდე სტანისლავ ლობოტკას ახალ კონტრაქტზე გადაერთვება — იმის მიუხედავად, რომ 30 წლის ფეხბურთელს კლუბთან არსებული ხელშეკრულება 2027 წლამდე აკავშირებს, უფროსობა ანტონიო კონტესთვის ერთ-ერთ შეუცვლელ ფეხბურთელს ახალ, გაუმჯობესებულ პირობებს შესთავაზებს. ფეხბურთელი ნეაპოლში ბედნიერია და დიდია იმის ალბათობა, რომ მხარეები შეთანხმებას მარტივად შეძლებენ.
ნაპოლი ლიდერების შენარჩუნებას აგრძელებს, თუმცა კვლავ ბევრი საუბრებია ხვიჩა კვარაცხელიას გარშემო. იტალიური გუნდი და ქართველი ფეხბურთელი ახალ ხელშეკრულებაზე დაახლოებით ერთი წელია რაც მუშაობენ, თუმცა ამ დრომდე შეთანხმება ვერ ხერხდება. სიტუაცია უახლოეს პერიოდში თუ არ შეიცვლება, დიდი შანსია 23 წლის ვინგერმა გუნდი დატოვოს.
