სანტოსი, რომ ნეიმარის დაბრუნებაზე მუშაობდა, ამის შესახებ რამდენიმე თვის წინ უკვე გაცნობეთ. მეტიც, მაშინ მხარეებს შორის წინასწარი სიტყვიერი შეთანხმებაც კი შედგა და როგორც ჩანს ახლა ყველაფერი მზადაა ფეხბურთელის ბრაზილიაში დასაბრუნებლად.
ცბობილია გარიგების დეტალები:
ბოლო ინფორმაციით, ნეიმარი ალ ჰილალთან კონტრაქტს გაწყვიტავს და სანტოსში თავისუფალი აგენტის სტატუსით გადაბარგდება. ბრაზილიელი 6-თვიან კონტრაქტს გააფორმებს, თუმცა ზაფხულში, 2024/25 სეზონის დასრულების შემდეგ, მხარეები ახალ ხელშეკრულებაზე დაიწყებენ მუშაობას.
ალ ჰილალთან კონტრაქტის შეწყვეტით, რომელიც ამ ზაფხულს ისედაც იწურებოდა, ნეიმარი დაახლოებით €65 მილიონზე იტყვის უარს.
თუ ყველაფერი გეგმის მიხედვით წავა, ფეხბურთელი სამედიცინო შემოწმებას ამ კვირაში გაივლის. ბრაზილიური მედიის ინფორმაციით, სანტოსი გრანდიოზულ პრეზენტაციას უკვე გეგმავს.
შეგახსნებეთ, ნეიმარი სანტოსის ღირსებას 2009-დან 2013 წლამდეც იცავდა. ამ დროში ბრაზილიელმა 225 მატჩში მიიღო მონაწილეობა, გაიტანა 136 გოლი და 64 საგოლე გადაცემითაც გამოიჩინა თავი.
