პრიორიტეტული ცენტრალური და მარცხენა მცველის დამატება იქნება, მთავარი სამიზნეები კი ბორნმუთის ფეხბურთელები იქნებიან — დინ ჰაუსენი და მილოშ კერკეზი, ორივე ფეხბურთელის მიმართ ინტერესი რეალური და დადასტურებულია! მხარეებს შორის პირველი კონტაქტი უკვე შედგა, ზაფხულის მოახლოებასთან ერთად კი მოსალოდნელია, რომ პირველი ოფიციალური შეთავაზებებიც გაკეთდება.
დინ ჰაუსენი ბორნმუთში 2024 წლის ზაფხულში, ტურინის იუვენტუსიდან გადაბარგდა და მალევე იქცა ანდონი ირაოლასთვის შეუცვლელ ფეხბურთელად. 19 წლის ესპანელმა ამ სეზონში 23 შეხვედრის ჩატარება უკვე მოასწრო, რა დროშიც ორი გოლის გატანა მოახერხა. დინ ჰაუსენს კონტრაქტში გამოსასყიდი თანხა €60 მილიონი უწერია.
რაც შეეხება მილოშ კერკეზს, უნგრელი ფეხბურთელი "ალუბლების" ღირსებას 2023 წლიდან მოყოლებული იცავს. ამ დროში ფეხბურთელმა ძალიან დიდი პროგრესი განიცადა და დღეს თამამად შეგვიძლია იმის თქმა, რომ პრემიერ ლიგის ერთ-ერთი საუკეთესო განაპირა მცველია. კერკეზმა ამ სეზონში 28 შეხვედრაში მიიღო მონაწილეობა, რა დროშიც 4 გოლი გაიტანა და 6 საგოლე გადაცემაც შეასრულა. 21 წლის მარცხენა მცველის სატრანსფერო ფასი დაახლოებით €40-50 მილიონია.
ზაფხულის მოახლოებასთან ერთად, დიდი შანსია ლივერპულმა სხვა ვარიანტების განხილვაც დაიწყოს, თუმცა ახლა დადასტურებულად შეგვიძლია იმის თქმა, რომ ჰაუსენი და კერკეზი მთავარი სამიზნეები არიან.
