ოფიციალურად — ჯანლუიჯი დონარუმა უეფას სუპერ თასის მატჩში, რომელიც 13 აგვისტოსაა ჩანიშნული, მონაწილეობას არ მიიღებს! ლუის ერნიკეს გადაწყვეტილებით, იტალიელი მეკარე განაცხადში არ იქნება და ტოტენჰემთან შეხვედრაში პარიზული კლუბის კარს, გუნდის ახალწვეული ლუკას შევალიე დაიცავს.
ეს გადაწყვეტილება დიდი შანსია ჯანლუიჯი დონარუმას პარიზული ისტორიის დასასრულს ნიშნავდეს. ფაქტია, პარიზულ კლუბსა და იტალიელ მეკარეს შორის სერიოზულ კონფლიქტს აქვს ადგილი. შეგახსენებთ, მხარეები ახალ კონტრაქტზე ამ დრომდე ვერ თანხმდებიან, რის გამოც კლუბის სპორტულმა დირექტორმა ლუიშ კამპუშმა ახალი მეკარის ყიდვა გადაწყვიტა.
თითქმის გადაწყვეტილია, რომ ჯანლუიჯი დონარუმა პარი სენ-ჟერმენს დატოვებს, თუმცა გასარკვევია როდის მოხდება ეს, მიმდინარე სატრანსფერო ფანჯრის დროს თუ მომავალ წელს, როდესაც 26 წლის მეკარე თავისუფალი აგენტი გახდება.
ჯიჯიოს თაობაზე უფრო მეტი ინფორმაცია უახლოეს დღეებში გახდება ცნობილი. შეგახსენებთ, ზაფხულის სატრანსფერო ფანჯარა 1 სექტემბერს იხურება.
