ცნობილია როდის შედგება ქართველი ფეხბურთელის დებიუტი პარიზული გუნდის მაისურით — 25 იანვარი, ამ დღეს პსჟ საკუთარ კედლებში რეიმსს უმასპინძლებს. ამ მატჩამდე ლუის ენრიკეს გუნდი ორ შეხვედრას გამართავს, ლიგა 1-ის ეგიდით ლანსთან და ჩემპიონთა ლიგაზე მანჩესტერ სიტისთან. ცნობისთვის, ხვიჩა კვარაცხელია პსჟ-ს ჩემპიონთა ლიგაზე დარჩენილ ორ მატჩში ვერ დაეხმარება. კლუბებს განაცხადის შეცვლა მხოლოდ ლიგის ფაზის დასრულების შემდეგ შეუძლიათ. პსჟ ამ მომენტისთვის 25-ე პოზიციაზე იმყოფება და არის შანსი გუნდი პლეი-ოფის ზონაში ვერ მოხვდეს.
რაც შეეხება სათამაშო ნომერს. პსჟ-ში ხვიჩა კვარაცხელიას საყვარელი 7 ნომერი თავისუფალია და თუ ფრანგულ პრესას დავუჯერებთ, ქართველი ფეხბურთელი დიდი ალბათობით სწორედ ამ ნომერს აირჩევს.
სტატიის ბოლოსკენ შეგახსენებთ კლუბებს შორის გარიგების დეტალებს. პარიზელებმა 23 წლის ვინგერის სანაცვლოდ €70 მილიონი + ბონუსები გადაიხადეს, ქართველი ფეხბურთელისთვის კი 4.5 წლიანი კონტრაქტი გამზადებულია. კვარაცხელიას წლიური ანაზღაურება დაახლოებით €7-8 მილიონი იქნება.
