მას შემდეგ, რაც სერხიო რამოსმა მექსიკური მონტერეი დატოვა და თავისუფალი აგენტი გახდა, ვეტერანი ესპანელი მცველის გარშემო საუბრები მედიაში უბრალოდ არ წყდება. 39 წლის ფეხბურთელი ევროპის მასშტაბით უამრავ კლუბს დაუკავშირეს, საიდანაც უმეტესობა ტოპ ლიგაში ასპარეზობს.
დადასტურებულად შეგვიძლია იმის თქმა, რომ შუამავლებმა სერხიო რამოსი მანჩესტერ იუნაიტედს, მილანსა და ინტერს შესთავაზეს, თუმცა სამივე კლუბის პასუხი ერთნაირი იყო - "ფეხბურთელით დაინტერესებულები არ ვართ".
ზემოხსენებული კლუბების გარდა, ესპანელი მცველი სევილიას, იუვენტუსს, დორტმუნდსა და სხვა არაერთ ევროპულ კლუბს დაუკავშირეს, თუმცა ამ დრომდე პოტენციურ ტრანსფერზე საუბარი არ დაწყებულა. თავად სერხიო რამოსი საფეხბურთო კარიერის დასრულებას ჯერ არ გეგმავს და მზადაა ყველა საინტერესო წინადადება განიხილოს.
ზამთრის სატრანსფერო ფანჯრის მოახლოებასთან ერთად, სერხიო რამოსის თაობაზე უფრო მეტი დადასტურებული ინფორმაცია გახდება ცნობილი.
