დაახლოებით ერთი კვირის წინ, რონალდ არაუხოს ბარსელონადან წასვლა უბრალოდ დროის საკითხი იყო, მეტიც, იუვენტუსი 25 წლის ურუგვაელის სანაცვლოდ პირველ ოფიციალურ შეთავაზებასაც კი ამზადებდა და ფეხბურთელიც მზად იყო კარიერის იტალიაში გასაგრძელებლად, თუმცა ყველაფერი გასულ 24 საათში შეიცვალა — კატალონიური კლუბის სპორტული დირექტორის დეკუსა და ფეხბურთელის შეხვედრის შემდეგ, რონალდ არაუხომ ტურინულ გრანდს ტრანსფერზე უარი განუცხადა და ბარსაში დარჩენა გადაწვიტა.
რონალდ არაუხო და ბარსელონა ახალ კონტრაქტზე რამდენიმე თვე მუშაობდნენ და ახლა როგორც ჩანს, მხარეები შეთანხმებასთან ახლოს არიან. ურუგვაელმა მცველმა კლუბში დარჩენის სურვილი გამოთქვა, არსებობს წინასწარი სიტყვიერი შეთანხმებაც, რაც იმას ნიშნავს, რომ 25 წლის ფეხბურთელი გუნდს აღარ დატოვებს.
უახლოეს კვირებში მხარეები გარიგების ბოლო დეტალებსაც შეათანხმებენ, რის შემდეგაც ფეხბურთელი კლუბთან ახალ კონტრაქტს გააფორმებს.
