ლივერპულში მომდევნო სეზონისთვის მზადებას აგრძელებენ. მას შემდეგ, რაც გუნდი ჩემპიონთა ლიგიდან გამოვარდა, მერსისაიდელების ერთადერთი მიზანი ამ სეზონში ჩემპიონთა ლიგის ზონაში მოხვედრაა, რაც მარტივი ნამდვილად არ იქნება.
სეზონის ბოლოს არნე სლოტის საკითხი გადაწყდება, თუმცა მისი მომავალი კლუბის სატრანსფერო გეგმებს დიდად არ შეცვლის. ლივერპულთან დაახლოებულ წყაროებს თუ დავუჯერებთ, ენფილდის ბინადრები ზაფხულში მინიმუმ 5 ახალ ფეხბურთელს დაიმატებენ.
ცენტრალური მცველი, მარცხენა მცველი, საყრდენი ნახევარმცველი, მარჯვენა ვინგერი და მარცხენა ვინგერი — ლივერპული ამ პოზიციებზე ახალ მოთამაშეებს 100% დაიმატებს. ხოლო რაც შეეხება მეკარის საკითხს, ამ მომენტისთვის ალისონ ბეკერისა და გიორგი მამარდაშვილის გუნდიდან გაშვება არ განიხილება, შესაბამისად, ახალი კარის დარაჯის დამატება დღევანდელი მოცემულობით არ იგეგმება.
ზაფხულის სატრანსფერო ფანჯრის მოახლოებასთან ერთად, ლივერპულის პოტენციურ სამიზნეებზე უფრო მეტი ინფორმაცია გახდება ცნობილი.
