ოფიციალურად — ალვარო მორატა კომოს ფეხბურთელია! სერია A-ს კლუბმა ესპანელი ფორვარდის ტრანსფერი სულ რამდენიმე წუთის წინ დაადასტურა.
32 წლის ფეხბურთელსა და კომოს შორის 1-წლიანი საიჯარო ხელშეკრულება გაფორმდა, თუმცა იტალიური კლუბი სეზონის ბოლოს ფეხბურთელს აუცილებლად გამოისყიდის. გამოცდილი ფორვარდის სანაცვლოდ მილანი საბოლოო ჯამში დაახლოებით €10 მილიონს მიიღებს.
შეგახსენებთ, ალვარო მორატამ გასული სეზონის მეორე ნახევარი იჯარის წესით გალათასარაიში გაატარა, თუმცა მხარეებმა თანამშრომლობის გაგრძელება აღარ მოისურვეს და საიჯარო ხელშეკრულება ნაადრევად შეწყდა., შემდეგ კი საქმეში ფეხბურთელის ძველი მეგობარი სესკ ფაბრეგასი ჩაერთო, რომელმაც კომოს უფოროსობას ესპანელი ფორვარდის დამატება მოსთხოვა.
იმის მიუხედავად, რომ ფეხბურთელით სხვა კლუბებიც ინტერესდებოდნენ, ალვარო მორატას კარიერის გაგრძელება მხოლოდ კომოში სურდა, შესაბამისად, გარიგებაც დაიხურა.
