ზაფხულის სატრანსფერო ფანჯარაზე, სტ.ეტიენის და საქართველოს ნაკრების ფეხბურთელი ზურიკო დავითაშვილი ახლოს იყო გუნდის დატოვებასთან, თუმცა ტრანსფერი არ შედგა.
დავითაშვილის შეძენით რამდენიმე კლუბი ინტერესდებოდა, სტ.ეტიენი კი მის სანაცვლოდ 20 მილიონ ევროს ითხოვდა. საბოლოოდ, ზურიკო კვლავ "მწვანეებში" დარჩა.
LaGazzetta.ge-ს ინფორმაციით, თითქმის გადაწყვეტილია, რომ ზამთრის სატრანსფერო ფანჯარაზე დავითაშვილი სტ.ეტიენს დატოვებს.
მის გუნდიდან წასვლას წინ არაფერი უდგას, რადგან სტ.ეტიენი თანახმაა, რომ ზურიკოს სატრანსფერო ფასი დააკლოს და ახალ კლუბში გადასვლა თავად ფეხბურთელსაც სურს.
ჩვენივე ცნობით, დავითაშვილის მიმართ ინტერესს რამდენიმე კლუბი იჩენს. კვლავ ასპარეზზე არიან თურქული გუნდები, მაგრამ მისი ყიდვა ლიგა 1-ის კლუბებსაც სურთ. ახალი კლუბის ინტერესებზე ინფორმაციას ეტაპობრივად მოგაწვდით.
დავითაშვილი სტ.ეტიენს ზამთარში დატოვებს, ამ სეზონში ზურიკომ 6 გოლის და ერთი საგოლე გადაცემის გაკეთება უკვე მოასწრო.
