ტრანსფერი დროის საკითხია — ანტუან სემენიომ ყველა დაინტერესებულ კლუბს უკვე აცნობა, რომ კარიერის გაგრძელება მხოლოდ და მხოლოდ მანჩესტერ სიტიში სურს! "ქალაქელები" განელი ფეხბურთელის სანაცვლოდ გამოსასყიდ თანხას, კერძოდ £65 მილიონს უახლოეს დღეებში გადაიხდიან, რის შემდეგაც 25 წლის ფეხბურთელი ახალ კლუბში სამედიცინო შემოწმებას გაივლის და კონტრაქტს ხელს მოაწერს.
იმის მიუხედავად, რომ საქმეში ლივერპული, ჩელსი, ტოტენჰემი და მანჩესტერ იუნაიტედიც იყვნენ, ანტუან სემენიომ კარიერის გაგრძელება მაინც მანჩესტერ სიტიში არჩია. განელ ფეხბურთელს ისეთ კლუბში სურდა გადასვლა, რომელიც ყველა შესაძლო ტიტულისთვის იბრძვის და რაც ყველაზე მთავარია, ჩემპიონთა ლიგაზე თამაშობს. სწორედ ამ მიზეზების გამო, ანტუან სემენიომ უპირატესობა მანჩესტერ სიტის მიანიჭა.
ანტუან სემენიო ბორნმუთის ღირსებას 2023 წლიდან მოყოლებული იცავდა. განელმა ფეხბურთელმა ამ დროში 106 მატჩის ჩატარება მოასწრო, გაიტანა 30 გოლი და 13 საგოლე გადაცემითაც გამოიჩინა თავი. ბოლო მომენტში რაიმე გაუთვალისწინებელი თუ არ მოხდა, მანჩესტერ სიტი ანტუან სემენიოს ტრანსფერს 2026 წლის 1 იანვარს ოფიციალურად დაადასტურებს.
