მამარდაშვილს, რომ საოცარი ევრო 2024 ჰქონდა, ამაზე დღემდე ყველა საუბრობს, თუმცა ტოპ ლიგის გუნდებს, ამ მომენტისთვის პირველი ნომრების პრობლემა არ აქვთ, 23 წლის მეკარე კი მხოლოდ ისეთ გუნდში გადავა, სადაც #1 იქნება, შესაბამისად, გიორგის დამატებას ამ მომენტისთვის არავინ ცდილობს. ამ ყველაფერს ისიც ემატება, რომ ვალენსია ფეხბურთელის სანაცვლოდ მინიმუმ €40 მილიონს ითხოვს, რაც საკმაოდ სოლიდური თანხაა. ამ პირობების გათვალისწინებით, დიდი შანსია მამარდაშვილი მომდევნო სეზონშიც ვალენსიაში ვიხილოთ, რაც დიმიტრიევსკის მომავალს ცვლის.
სულ რამდენიმე საათის წინ კი ერთი საინტერესო დეტალი გახდა ცნობილი — როგორც გაირკვა, დიმიტრიევსკის კონტრაქტში წერია გამოსასყიდი თანხა, კერძოდ €3 მილიონი, რისი ამოქმედებაც გუნდებს ამ სატრანსფერო ფანჯრის დროს შეუძლიათ, შესაბამისად, თუ მამარდაშვილი გუნდში დარჩება, ჩრდილოეთ მაკედონიელი მეკარე, ვალენსიას დიდი ალბათობით, დატოვებს.
