ახალგაზრდა ნახევარმცველი ბენფიკას აკადემიის აღზრდილია. 2017 წლიდან მოყოლებული, ჟოაუმ ყველა ასაკობრივ გუნდში მოახერხა თამაში, ორი სეზონის წინ კი მთავარ გუნდში დაწინაურდა. პატარა ასაკის მიუხედავად, ფეხბურთელმა ბენფიკას რიგებში 75 მატჩის ჩატარება უკვე მოასწრო, რა დროშიც 4 გოლი გაიტანა და 3 საგოლე გადაცემითაც მოამარაგა გუნდელები.
ნევეშს პორტუგალიის ეროვნულ ნაკრებში დებიუტი 2023 წლის 6 ოქტომბერს ჰქონდა, რის შემდეგაც ფეხბურთელი რობერტო მარტინესის ფორმაციის ნაკრების სრულფასოვანი წევრი გახდა. ჟოაუმ ევრო 2024-ზეც იასპარეზა და ორ შეხვედრაშიც მიიღო მონაწილეობა, მათ შორის საქართველოს ნაკრების წინააღმდეგაც.
პსჟ და ბენფიკა საკმაოდ დიდ გარიგებაზე მუშაობენ — საუბარია არც მეტი, არც ნაკლები, €70 მილიონზე! მხარეები ამ გარიგებაში ფეხბურთელის ჩართვასაც აპირებენ. საუბარია რენატუ სანჩესის ვარიანტზეც, რომელსაც ბენფიკაში კარგად იცნობენ. ორივე მხარის სურვილია, ტრანსფერი კვირის ბოლომდე დაიხუროს.
