ევროპის ჩემპიონატამდე, უილიამსის მომავალს ბარსელონას უკავშირებდნენ, დიდ ფორუმზე ჩატარებული წარმატებული მატჩების შემდეგ კი კატალონიურ გრანდში მისი გადასვლის შანსები გაიზარდა.
გთავაზობთ 3 მიზეზს, რის გამოც 21 წლის ფლანგის შემტევის ბარსელონაში გადასვლა გარდაუვალია.
ახალი ნაბიჯი კარიერაში
როგორც წესი, როცა ევროპის და მსოფლიო ჩემპიონატზე რომელიმე ფეხბურთელი გაიბრწყინებს და ხალხი გაიცნობს, მას რომელიმე გრანდი ყიდულობს ხოლმე. უილიამსმა დაამტკიცა, რომ ბილბაოსთვის ზედმეტად გაიზარდა და კარიერაში ახალი ნაბიჯის დრო დადგა. ვინაიდან ნიკომ მთელი კარიერა ესპანეთში გაატარა, მისთვის ყველაზე სარფიანი სწორედ ბარსელონაში გადასვლა იქნება.
ფინანსური საკითხები
ბარსელონა მარცხენა შემტევის ძიებაშია. მათ კვარაცხელიას შეძენა სურდათ, თუმცა 100 მილიონს ვერ იხდიდნენ. უილიამსის ღირებულება კი, დაახლოებით, 60 მილიონი ევროა. ბარსელონას პრეზიდენტმა ხოან ლაპორტამ განაცხადა, რომ კლუბი ფინანსურად მზად არის უილიამსის შესაძენად. მოლაპარაკებები გადამწყვეტ ფაზაში ევროპის ჩემპიონატის დასრულების შემდეგ შევა.
დამანგრეველი დუეტი
ნიკო უილიამსმა, 16 წლის იამალისთან ერთად, ბრწყინვალე ტანდემი შექმნა. ესპანეთის ნაკრების მთავარი ჯოკერი სწორედ უილიამსი-იამალის დუეტია. ნიკოს ბარსელონაში გადასვლის მთავარი მიზეზი, შესაძლოა მისი უახლოესი მეგობარიც იყოს. ისინი ბარსელონაშიც საოცარ დუეტს შექმნიან, რაც, პირველ რიგში, ესპანეთის ნაკრებს გამოადგება და კიდევ უფრო შეთამაშებული ფეხბურთელები ეყოლება. ფეხბურთის ისტორიას ახსოვს შემთხვევა, როცა ფეხბურთელები ბარსელონაშიც თამაშობდნენ და ესპანეთის ნაკრებშიც და მათ ყველაფერი მოიგეს - ევროპის ჩემპიონატი, მსოფლიო ჩემპიონატი და ჩემპიონთა ლიგა, იგულისხმება ხავი-ინიესტას პერიოდი. კლუბსა და ნაკრებში ერთად თამაში საქმეს უფრო ამარტივებს.
