ბოლო მომენტში რაიმე გაუთვალისწინებელი თუ არ მოხდება, ადემოლა ლუკმენი ახალ სეზონს, ახალ გუნდში დაიწყებს. 27 წლის ნიგერიელი შემტევი ატალანტას დასატოვებლად ემზადება. ფეხბურთელი თვლის, რომ მისი კარიერისთვის უკეთესი იქნება თუ "ლა დეას" დატოვებს და სხვა გუნდში გადაბარდგება.
ბოლო საათებში გავრცელებული ინფორმაციის თანახმად, ადემოლა ლუკმენის ტრანსფერზე ატლეტიკო მადრიდი მუშაობს! დიახ, მხარეები ამ გარიგებაზე უკვე რამდენიმე კვირაა, რაც მუშაობენ და როგორც ესპანეთში იწერება, ნიგერიელი ფეხბურთელის ტრანსფერის განხორციელების შანსი საკმაოდ დიდია.
იმის მიუხედავად, რომ ატლეტიკომ ტიაგო ალმადა დაიმატა, ჩოლო სიმეონე კიდევ ერთ შემტევს ეძებს, ადემოლა ლუკმენი კი #1 სამიზნეა. ატალანტა ნიგერიელ ფეხბურთელს დაახლოებით €35-40 მილიონად აფასებს, რაც მადრიდული კლუბისთვის სრულიად მისაღები თანხაა. ადემოლა ლუკმენის სიტუაციას სხვა კლუბებიც ყურადღებით აკვირდებიან. ამ სიაშია ინტერიც, რომელიც ფეხბურთელით სერიოზულად ინტერესდება.
