მილანმა ახალი სეზონი საკმაოდ კარგად დაიწყო და თამამად შეგვიძლია იმის თქმა, რომ მაქს ალეგრის გუნდი საჩემპიონო რბოლაშია ჩართული.
ამასობაში, მილანურ გრანდში მომავალზეც ფიქრობენ და როგორც ცნობილი ხდება, კლუბი წამყვანი ფეხბურთელების შენარჩუნებაზე მუშაობას იწყებს. კლუბის აღმასრულებელი დირექტორი ჯორჯო ფურლანი და სპორტული დირექტორი იგლი ტარე ფიკაიო ტომორის, ალექსის სალმაკერსისა და რაფაელ ლეაოს ახალ კონტრაქტებზე მუშაობენ.
"როსონერი" ზემოხსენებული ფეხბურთელის შენარჩუნებას გეგმავს და თუ ყველაფერი გეგმის მიხედვით წავა, სამივე მათგანი ახალ, გაუმჯობესებულ კონტრაქტს უახლოეს თვეებში გააფორმებს.
ამ სამი ფეხბურთელის შემდეგ, მილანში კრისტიან პულისიკის ახალ კონტრაქტზე მუშაობასაც დაიწყებენ. კლუბში ამერიკელი ფეხბურთელის პერფორმანსით კმაყოფილები არიან, შესაბამისად, ფიქრობენ, რომ 27 წლის ფეხბურთელიც იმსახურებს ახალ ხელშეკრულებას.
